Viser innlegg med etiketten pickles inspirasjonsstafett / pickles inspirational relay. Vis alle innlegg
Viser innlegg med etiketten pickles inspirasjonsstafett / pickles inspirational relay. Vis alle innlegg

lørdag 5. april 2014

FAVORITT-TUNIKA MED RYSJEKRAGE / FAVOURITE TUNIC IN PICKLES INSPIRATIONAL RELAY


Det er ei stund sidan eg annonserte at eg skulle vere med i Pickles sin store inspirasjonsstafett. Her er resultatet - og mønsteret - gratis!

Mitt bidrag er ein variasjon over mønsteret i Pickles favoritt-tunika, med rysjekant rundt halsen og innfelte lommer, og ein liten, dekorativ holrad nederst. 

Mønsteret til Pickles gir strikkaren valet mellom å strikke tunikaen rett eller i A-form, og med ulike variasjonar til ermer. Eg gjekk for ein rett variant, med puff-ermer.






Rysjekant har eg aldri strikka før.
Men eg synst det er veldig mange fine rysjekragar på strikke-klede for tida, og har hatt lyst til å prøve å strikke ein sjølv. Så eg improviserte litt. Og resultatet er eg veldig nøgd med!

Frå merino til alpakka. 
Opprinneleg skal tunikaen strikkast i Pickles Extra Fine Merino, men eg har istaden gått for Pickles Pure Alpaca, som har same strikkefastheit som merino-garnet. Eg er veldig glad i alpakka-garn generelt, og synst ein såpass enkel tunika som dette, når eg droppa striper og mønster, gjer seg med eit litt hårete, levande garn. Fargane eg har brukt er «Isbjørn» og «Naturlig lysegrå». Grått er hovudfargen, som de ser, medan kvitt er brukt på rysjekanten, puff-ermene og som ein kontrastfarge inni lommene.


Eg har strikka tunikaen i størrelse 2 år,
og det er også den størrelsen eg deler i oppskrifta her på bloggen. Eg synst tunikaen var eit kjekt prosjekt å ha på pinnane, og kan godt tenke meg å strikke ein til i eit meir sommarleg garn. Kanskje ein fargerik variant i Pickles Summer Wool? 

Og mønsteret?
Det finn du her - riktignok ein scanna versjon av skisseblokka mi. Eg har prøvd å skrive t-y-d-e-l-e-g, og satsar på at handskrifta er lesbar for dei fleste. Størrelsen er altså 2 år, men om du kjøper mønsteret til tunikaen i andre størrelsar frå Pickles, kan du jo alltids ta triksa frå mitt mønster og overføre dei til større eller mindre tunikaer. Det burde ikkje by på så store problem, trur eg.





Kva seier to-åringen sjølv?
Ho verkar nøgd med sin nye «sjole», og kunne fotograferast så lenge det var fri tilgang på kjeks, og lov å løpe rundt i ring.

Og for ordens skuld: garnet har eg fått gratis av Pickles. 
Ta ein tur i butikken deira i Markveien om du skulle vere i Oslo. Det er ein skikkelig snopebutikk for oss som er glade i garn!

 A while back I announced that I was going to participate in Pickles inspirational relay, and this is what i have knitted: A tunic based on Pickles' favourite tunic, but with my own alterations. I have added a ruffled collar and pockets to the original pattern, and used Pickles Pure Alpaca yarn instead of Pickles Extra Fine Merino. The size is for a two year old, and I loved knitting it. I am sharing my pattern here, but unfortuantely, it is only in Norwegian. 

søndag 23. mars 2014

STAFETTSTRIKKINGA ER SNART KLAR TIL Å VISAST FRAM / RELAY KNITTING: ABOUT TO HIT THE FINISH LINE


Eg er i gang med siste finpuss på strikkinga i Pickles inspirasjonsstafett, og skriver ned oppskrift som skal delast her på bloggen.

Utgangspunktet er altså favoritt-tunikaen frå Pickles, som eg har gjort nokre endringar på. Mellom anna har tunikaen fått ein rysjekrage!

I am currently writing the pattern for my take on Pickles favourite tunic, which is the garment I have knitted in Pickles inspirational relay. 

torsdag 20. mars 2014

STAFETT-STRIKKINGA ER I GANG / THE RELAY KNITTING IS ON

Ikkje det mest spennande fotoet, kanskje?

Men eg er i allefall godt i gang med strikkinga mi i Pickles inspirasjonsstafett. Eg kan avsløre at jeg jobber med min eigen vri på Pickles sin favoritt-tunika. På bildet kan de sjå mitt første forsøk nokon sinne på å strikke ein i-cordkant.

Foto med meir spennande innhald enn dette kjem snart!

This might not be the most exciting photo, but I post it to tell you that my knitting in Pickles inspirational relay has begun. The garment will be my own take on Pickles favourite tunic. In the photo you can see my first ever try to knit i-cord edging. I promise to share photos that are more interesting soon!

onsdag 12. mars 2014

INSPIRASJONSSTAFETTEN TIL PICKLES / PICKLES INSPIRATIONAL RELAY


Mon tru kva dette skal bli?

Eg er kjempeglad for å fortelle at eg skal vere med på inspirasjonsstafetten til Pickles! På veg heim frå jobb i dag sykla eg innom butikken i Markveien for å hente garnet eg har ønska meg. Kjedelege fargar? Åneidå! Berre vent til de får sjå kva eg skal strikke!

Garnet er altså sponsa av Pickles, for ordens skuld.


Og i dag har plutseleg både krokusar og snøklokker poppa opp av jorda i bakgården. Dette trekløveret fekk vere med inn på kjøkkenet. Herlig!

I am proud to tell you that I have been picked out to knit something in Pickles inspirational relay. On my way home from work today I went to their store in Markveien to pick up the yarn I want to use for my relay garment. Boring colour choice, you say? Just you wait and see what I am going to knit!

AND: Spring is finally here! Suddenly there are flowers popping up from the ground in our backyard. I picked these thee to light up our kitchen.