Viser innlegg med etiketten oppskrift/pattern: Babystrikk. Vis alle innlegg
Viser innlegg med etiketten oppskrift/pattern: Babystrikk. Vis alle innlegg

mandag 7. april 2014

GÅVESTRIKK TIL EI LITA JENTE / WOOL GIFTS FOR A BABY GIRL

Det er få ting eg liker så godt å strikke som bittesmå babyplagg. Og sidan venegjengen har satt i gang ein skikkeleg baby boom i år, har eg mange småplagg på pinnane. Denne pakken med nydeleg ullstrikk blei nettopp sendt vestover til ei lita snelle i Sunnfjord. 

Kysa har eg lenge hatt lyst til å strikke, og mønsteret er gratis!
Det finn du her hos Drops, og lua er faktisk enkel og grei å strikke, sjølv om den ser litt komplisert ut. Garnet er ein rest Abuelita 3-trådsgarn frå Pickles, som eg hadde liggande etter at eg strikka denne balakalvaen. Det er ikkje alltid eg er heilt nøgd med Drops-oppskriftene, men for denne kysa bøyer eg meg i støvet. Den blei verkeleg knallfin, og eg fekk umiddelbart lyst til å sette i gong med å strikke fleire. Den einaste endringa eg gjorde, var å droppe tvinna snøring, og istaden strikke ei i-cord-snor over tre masker. Eg synst aldri at tvinna snører fungerer heilt, og foretrekker litt kraftigare saker. Størrelsen er 6-9 mnd.

Jakka er enda ei rillestrikka jakke frå heftet Babystrik på pinde 3.
Det er tredje gong eg strikker jakka, og eg synst alltid at dei blir like fine. Jakka er enkel med eit flott snitt, som gjer at den kan brukast til det aller meste. Eg strikka den i størrelse 6 mnd, men for at den skal kunne vare lenge, strikka eg den lengre enn oppskrifta foreslår. Garnet er Baby Alpaca Silk frå Drops i fargen "pudder", som er kvit med ein liten anelse rosa i seg. Som eg har vore inne på tidlegare, synst eg garnblandingar i alpakka og silke er veldig fint å bruke til babystrikk. Ein unngår at plagget blir veldig hårete, som det blir med rein alpakka, samtidig som silken gjer plagget litt svalare, meir slitesterkt og - ikkje minst - heilt villt mjukt.

Og endeleg fekk eg prøvd meg på bleiebuksa frå Den store guttestrikkeboka!
Eg har sett på oppskrifta sidan boka blei innkjøpt, men mitt eige barn har blitt for stor til å vere mottakar, så då måtte eg finne nokon andre å strikke den til. Også her er størrelsen 6 mnd, og eg har brukt det same alpakka/silke-garnet som eg strikka jakka i. Eg likte oppskrifta godt, og vil absolutt strikke den igjen, og kanskje prøve meg med nokre andre variasjonar i strukturen. Buksa verkar veldig elastisk, og kan truleg brukast lenge.

Prikken over pakke-i-en er dei rosa sandalane. 
Her gjekk siste rest av det rosa garnet med, og det såg stygt ut som det kom til å bli for lite då eg nærma meg slutten på sandal nummer to. Men det gjekk heldigvis akkurat. Garnlageret har dermed minka littegrann. Mønsteret er frå Debbie Bliss-boka Babystrikk, og enkelt og greitt å følge, med detaljerte forklaringar. Størrelsen er ca 3-6 mnd. Og blei dei ikkje fine? Perkekt for ei lita frøken som skal pynte seg litt!

My favourite thing to knit is tiny newborn garments. I suits me fine that my friends are having a baby boom year. These small garments have recently been sent to my good friend who just had a little girl. You can find the pattern for the hat here - and it is free - and for once, also in English. Both the hat and the little sandals are knitted in this merino yarn from Pickles. The jacket and the baby shorts are knitted in the lovely yarn Baby Alpaca Silk from Drops, in the colour "powder" - which is white with a slight hint of pink. 

søndag 30. mars 2014

TOGSTRIKKING / TRAIN KNITTING

Strikketøy, take away kaffi, lydbok på telefonen og tog-utsikt til vårlege jorder og spegelblank Mjøsa. Ein herleg måte å tilbringe søndagsformiddagen på. Og når eg reiser med tog utan barn, sit eg konsekvent i stille-vogna. Her skal ingen forstyrre! (Og den noko odde bakgrunnen bak smetteskjerfet er altså eit togsete).










I dag har eg vore ein dagstur tur/retur Lillehammer for å kikke på den vesle guten som fekk eit strikka vintersett av meg for ei stund sidan. Og på togturen oppover gjorde eg ferdig ei lita ull-gåve.

For sjølv om han allereie har fått ein strikkepakke i posten, synst eg det er kjekt å ha med noko lite å overrekke personleg, også. Derfor strikka eg eit smetteskjerf og eit par tøflar i restar av det same garnet som eg har brukt på dei andre kleda han har fått.

Og smetteskjerfet blei altså ikkje ferdig før rundt Eidsvoll.
Mønsteret er frå Nøstebarnboka, og skjerfet kan brukast frå nyfødd til omtrent to år. Lang levetid, med andre ord. Og veldig enkelt og greit å strikke.

Tøftlane har eg allereie strikka ein gong før.
Det var til Iben då ho var mindre, og naturleg nok er dei ikkje passe lenger. No ligg dei pakka ned i ein fin-strikk-kasse på loftet. Mønsteret er frå boka Babystrikk av Debbie Bliss, og dei skal passe sånn ca for babyar mellom tre og seks månader.

Garnet til både smetteskjerfet og tøflane er Alpakka silke fra Sandnes garn. Eit perfekt babystrikk-garn!

I have spent my sunday travelling from Oslo to Lillehammer to visit the little baby boy who recieved this winter baby-gift a few weeks ago. And travelling by train has a clear advantage: I could finish the scarf that I was going to give as a present, which I still had not finished when I left Oslo. The little baby also got a pair of new booties. Both the scarf and the booties are knitted in Alpakka Silke from Sandnes Garn, which is the same yarn I used for the garmets I gave him earlier. And I repeat: silk and alpaca is a perfect match for newborn babies!

søndag 5. januar 2014

ARVE-STRIKK / HAND ME DOWN-KNITS

Å strikke til babyar kan verke meiningslaust, sidan dei små veks så fort ut av kleda sine. Då er det fint å kunne gje kleda vidare til andre småtassar som blir fødd.
På Lillehammer kjem det snart ein liten baby til verda. I helga reiste eg på besøk til dei komande foreldra med ein pose klede frå då Iben var bitteliten. I posen låg både bomullsbodyar og små pyjamaser. Men det kjekkaste å gje vekk er klede ein har laga sjølv.

Den vesle babyen får ei sennepsgul strikkejakke, ei grå, lita lue og to par ullsokkar som eg strikka då eg venta Iben. Strikkejakka er eit stykke skikkelig praktisk babystrikk, med ein fin unisex-farge, strikka med dobbel tråd alpakkagarn - slik at den både er tjukk og god for ein vinterbaby å ha på nede i ein ull/skinnpose på trilletur, og lun å ha på innandørs når den er knappa opp. Mønsteret er frå boka Babystrikk av Debbie Bliss.


Lua er også strikka i alpakkagarn, etter mønsteret 'Glattstrikket djevellue i tynn alpakka' frå boka Myk start av May B. Langhelle. I den boka finst også mønsteret til dei kvite raggsokkane, som eg har strikka utallige av til Iben i ulike fargar og garnkvalitetar.


Sokkane med mønster på er strikka etter ei oppskrift eg fann i et gammalt hefte, som eg ikkje finn att. Garnet er også her alpakka. 

Sidan babyar veks så fort, er slitasjen minimal på dei små klesplagga, og det er knapt nok mogleg å sjå at har blitt brukt. Heimestrikka ullplagg er kvalitetsplagg som vil vare i generasjonar, og som kan gis vidare til stadig nye små. At ullplagg også er meir fleksible i størrelsen enn f.eks. bomullsplagg, gjer at kleda også kan brukast lengre av kvart barn.

Dei aller finaste strikkeplagga til Iben ligg framleis gøymd i ein kasse på loftet, og skal sparast til eventuelle søsken, eller til Iben sjølv får barn ein gong. 

Knitting for little babies may seem pointless, given how fast the little ones grow out of their clothes. It's nice then to know that home knitted wool clothes are of such good quality that the little garments can be passed on to new babies. A friend will soon become a mother, and this weekend I gave her a bag of hand me down-clothes from when my daughter Iben was newborn. Among little onesies and cotton pyjamases, the bag also contained these woollen clothes that I knitted when I was expecting Iben.