Viser innlegg med etiketten gratis oppskrift / free pattern. Vis alle innlegg
Viser innlegg med etiketten gratis oppskrift / free pattern. Vis alle innlegg

tirsdag 18. juli 2017

OPPSKRIFT: MIDTSOMMARTEPPE

Sjølvsagt skal barna ha eit fint og godt teppe i vogna også når det er sommar og varmt.

Norsk sommar er som kjent lunefull, og gjerne også vind- og regnfull. Eit tynt helseteppe kan bli for lite å ha over seg i vogna på ein norsk sommardag, mens eit ullteppe kan bli for mykje. 

Midtsommarteppet er noko midt i mellom. Det er tjukt, nesten som ei lett dyne, men framleis luftig og svalt. Og med strukturmønsteret som minner om ei eng av hveteaks, er teppet skapt for å hauste kompliment ute på trilletur. 



Og du: Midtsommarteppet er ikkje forbeholdt dei minste. Eg skal definitivt strikke eit lengre teppe med nokre fleire repetisjonar av mønsterrapporten i bredda, som eg kan ha liggande på verandabenken til kjølige sommarkveldar!

OPPSKRIFT PÅ MIDTSOMMARTEPPE:

Garn: Cotton Tube Mix frå Stoff og Stil. For eit heilårsteppe kan du gjerne velge eit anna garn, f.eks i ull eller alpakka, noko som vil gjere teppet mykje lettare og varmare. Cluet er å velge eit temmelig tjukt garn, som funkar til tjukke pinnar, slik at du verkeleg får fram strukturen i mønsteret. 
Garnmengde: 1000 gr.
Pinnestørrelse: Rundpinne nr 10 + ein hjelpepinne til flettemønsteret. 
Størrelse på ferdig teppe: Bredde ca 92 cm, lengde ca 97 cm.

Legg opp 70 masker på rundpinne nr 10. Arbeidet skal strikkast fram og tilbake på pinnen. Strikk 4 pinnar perlestrikk.* Dette danner ein perlestrikka kant øverst på teppet. 



Så begynner vi på sjølve mønsterdelen frå rettsida. 

Første pinne: Strikk perlestrikk over dei første 4 maskene. Dei første og dei siste 4 maskene strikker du alltid i perlestrikk. Dette danner langsgåande kantar på kvar side av teppet. Deretter strikker du 2 vrang, *8 rett, 2 vrang*. Gjenta frå * til * til det gjenstår 4 masker på pinnen, dei strikker du i perlestrikk. 

Andre pinne: Snu arbeidet, og strikk vrangsida. Først 4 masker i perlestrikk, så strikker du rett over rett-maskene og vrang over vrang-maskene. Dei siste 4 maskene strikkast i perlestrikk.

Tredje pinne: 4 masker perlestrikk, 2 masker vrang. *Sett dei første 2 maskene på ein hjelpepinne bak arbeidet, og strikk dei 2 neste maskene. Strikk deretter maskene frå hjelpepinnen. Sett så dei neste 2 maskene på ein hjelpepinne foran arbeidet, og strikk dei neste 2 maskene, før du strikker maskene frå hjelpepinnen. Strikk 2 vrangt.* Gjenta frå * til * til det gjenstår 4 masker på pinnen, strikk så dei i perlestrikk. 

Fjerde pinne: Først 4 masker i perlestrikk, så strikker du rett over rett-maskene og vrang over vrang-maskene. Dei siste 4 maskene strikkast i perlestrikk.

Gjenta pinne 1-4 til teppet begynner å bli så langt som du ønsker det. Avslutt med 4 pinnar perlestrikk. Fell av. 

Fest lause trådar. Kjør gjerne teppet ein runde i vaskemaskina, og strekk det ut mens det er vått, før du lar det tørke flatt. 

*Perlestrikk: Strikk 1 rett, 1 vrang ut pinnen. Snu arbeidet. På neste pinne strikker du vrangt over rett og rett over vrangt.  


Eg synst det er kjempekjekt om du vil strikke teppet, og om du i tillegg tagger det med #midtsommarteppe og @skaperrom på Instagram, undervegs og når du er ferdig, set eg kjempestor pris på det!

søndag 20. september 2015

FROST-BLÅ FLETTESOKKAR / CABLE SOCKS FOR THE THREE YEAR OLD

Haustens sokkestrikk til treåringen er i gang for alvor, og eg har strikka nok eit par flettesokkar etter mi sjølvkomponerte flettesokk-oppskrift.

Oppskrifta er gratis - du finn den her!

Treåringen er (fortsatt) forelska i Frost-universet,
og var veldig nøgd med at sokkane er Elsa-blå. Så viss det kan få ho til å bruke dei i staden for Olaf-sokkane frå H&M, som ho aller helst vil ha på seg kvar einaste dag, er det jo topp.
Another pair of socks for my three year old is finished, and this time I have knitted another pair of cable sock from my own pattern.

The pattern is free, and you can find it here!

Iben is still very much in love with the universe from the Frozen movie, and she was more than pleased when I told her that the socks are Elsa blue. So if it will make her use them instead of the Olaf-socks from H&M that she wants to wear every day, I will be a happy mom. 

søndag 4. januar 2015

FLETTESOKK - GRATIS OPPSKRIFT / CABLE SOCKS - FREE PATTERN

Eg har lenge hatt lyst til å strikke eit par ullsokkar med fletter på til Iben, men har ikkje funne nokon oppskrift eg har likt. Etter litt eksperimentering, lagde eg derfor ei oppskrift sjølv.

Sokkane har blitt gode og varme, og flettene gjer dei veldig tøyelege og elastiske. Eg tipper at dei vil vare lenge, med andre ord.

Og oppskrifta deler eg sjølvsagt, så dersom nokon andre har lyst til å strikke dei, er det kjempekjekt!

FLETTESOKK:

Garn: Eg har brukt Pickles Pure Wool i fargen Rødkløver, som var ein rest eg hadde liggande etter å ha strikka desse leggvarmarane, men du kan i grunn bruke mange typar litt sterkt garn til slike sokkar. Eg har tidlegare strikka liknande sokkar i bla.a alpakka og merinoull. Sidan sokkane er såpass elastiske, er det ikkje nokon krise om garnet er litt tjukkare eller litt tynnare enn det eg har brukt, men for ordens skuld oppgir Pickles at garnet har strikkefastheit 23 masker og 32 rader for 10 cm.

Pinnar: Settpinnar i str 2,5.

Størrelse: Eg tipper desse er ca størrelse 3-4 år. Iben er to og eit halvt, og sokkane er akkurat bittelitt for lange til ho. Men du kan tilpasse størrelsen ved å strikke kortare eller lengre fot.

Mål: Fotlengde 15 cm (men det tilpassar du lett til mottakaren ved å måle foten hans/hennar, og forkorte eller forlenge sokken.)

Legg opp 48 masker på pinne nr 2,5, og fordel dei på fire pinnar. Strikk vrangbord to rett, to vrang til arbeidet måler ca 2 cm.

No begynner vi med flettestrukturen. Strikk *to vrang, fire rett*, og gjenta dette ut omgangen. Strikk tre omgangar til på same måten.

Den femte omgangen strikkast slik: *to vrang, sett dei to komande maskene over på ein hjelpepinne, og hold denne bak arbeidet. Strikk dei neste to maskene, og strikk deretter dei to maskene frå hjelpepinnen*. Gjenta frå * til * ut omgangen.

Omgang 1-5 gjentas til arbeidet måler ca 10 cm frå oppleggskanten.

Så skal vi i gang med hælen. Den strikkast i glattstrikk over halvparten av maskene. Strikk til det er ei maske igjen. Snu og strikk tilbake til det er ei maske igjen. Snu på nytt, og strikk til det er to masker igjen. Snu og strikk tilbake til det er to masker igjen. Fortsett slik til det er 8 masker igjen i kvar side.

Strikk deretter ei maske meir i kvar side for kvar pinne. For å unngå hol på sida av hælen, plukker du opp ei maske frå arbeidet før den siste maska, og strikker dei saman. Fortsett slik til du har strikka over alle maskene på hælen.

Og no er det sjølve foten vi skal strikke. Fortsett å strikke rundt, og hald fram med å strikke flettemønsteret på dei to pinnane oppå foten. Under foten strikker du glattstrikk. Strikk til foten måler ca 11 cm.

Felling til tå: Strikk rett på alle pinnar, og fell på kvar side av foten. Første pinne begynner midt under foten.

1. og 3. pinne:Strikk til det er tre masker igjen, strikk to masker rett saman, strikk den siste maska rett.
2. og 4. pinne: Strikk ei maske rett, to masker rett saman, og strikk deretter rett pinnen ut.

Strikk så ein omgang utan å felle.

Gjenta dei to omgangane til det er 6 masker igjen på kvar pinne. Deretter feller du kvar omgang til det er 4 masker igjen på kvar pinne. Fell av.

 Sy tåa saman frå vrangsida. Pass på at den blir flat. Fest trådar.

----------------------------------------------------------------------------------------------------------------
CABLE SOCKS:

Yarn: I have used Pickles Pure Wool, but the cables will make the socks quite elastic, so you could use both thinner and thicker yarn. The gauge is approximately 23 stitches and 32 rows for 10 cm.

Needle size: 2,5

Size: I guess these will fit a child aged 3-4. They almost fit my girl who is two and a half.

Measurements: Footlength 15 cm.

Cast on 48 stitches, divided on four double-pointed needles. Knit rib, knit two, purl two until the work is about 2 cm.

Now we will start knitting cables. *Purl two, knit four*. Repeat from * to * until end of round, and then repeat it again for the next three rounds. 

The fifth round is knitted like this: *purl two, put the next two stitches on a cable needle behind the work, and knit the two next stitches. Then knit the two stitches from the cable needle.* Repeat from * to * until the end of the round. 

Repeat round 1-5 until the work measures about 10 cm.

Now we will start knitting the heel. It is knitted with stockinette stitch over half of the stitches. Knit until there is one stitch left, Turn and knit back until there is one stitch left. Turn again, and knit until there is two stitches left. Turn and knit until there is two stitches left. Continue this way until there are 8 stitches left on each side. 

Then knit one stitch more every row. To avoid holes on the side of the heel, pick up a stitch from the work before the last stitch, and knit the two stitches together. Continue until you have knitted all the stitches on the heel. 

Now we knit the foot. Continue knitting round, and keep knitting the cable pattern on the two needles on top of the foot. On the two needles under the foot, you knit stockinette stitch. Keep knitting until the foot measures about 11 cm. 

Cast off to form the toe: Knit stockinette stitch on all needles, and cast off on each side of the foot. The first needle starts in the middle under the foot.

1. and 3. needle: Knit until there are three stitches left, knit two stitches together, then knit the last stitch.
2. and 4. needle: Knit one stich, knit two stitches togheter, then knit the rest of the stitches. 

Knit one round without casting off. 

Repeat the two rounds until there are 6 stitches left on each needle. Then cast off on every round until dere are 4 stitches on each needle. Cast off all the remaining stitches. 

Sew the toe together from the wrong side. Make sure it is flast. Fasten the threads.