Viser innlegg med etiketten oppskrift/pattern: Strikk til Nøstebarn. Vis alle innlegg
Viser innlegg med etiketten oppskrift/pattern: Strikk til Nøstebarn. Vis alle innlegg

søndag 4. januar 2015

ENKLE VOTTAR TIL STORE OG SMÅ / MITTENS FOR ALL

Før jul var det masseproduksjon av vottar her huset, til både små og store. Vottane blei julegåver til både nieser, venninner, meg sjølv og fleire, og alle blei strikka med utgangspunkt i den same oppskrifta:

Rillestrikka vottar frå Strikk til Nøstebarn,
som dei som har fulgt bloggen ei stund, gjerne har fått med seg at er ein vottefavoritt her i huset.

Vottane på bildet er strikka med Pickles Pure Wool (dei rosa) og Pickles Pure Thin Alpaca (dei gule). Oppskrifta anbefalast til alle som skal strikke vottar kjapt og enkelt, og det er lett å gjere litt variasjonar. Eg strikka mellom anna eitt par grå voksenvottar med flette på, og dei gule vottane har fått perlestrikk i staden for rillestrikk.

Before Christmas I had a mass production going on, and the result was several pairs of mittens. They became Christmas gifts for girl friends, my husband, myself and my nieces. 




mandag 20. oktober 2014

FLEIRE VARME HALSAR / MORE WARM COWLS

Medan vinteren gjer sitt inntog, passer det bra at to nye ull-halsar er ferdige.

Oppskrifta er frå Strikk til nøstebarn-boka, og eg har strikka utgåver av denne halsen etterkvart. Faktisk har eg aldri strikka halsar av andre oppskrifter enn denne, fordi eg synst den er kjempegod, og enkel å strikke (og godt likt av mottakaren).

Oppskrifta er enkel å variere. 
Ein kan strikke strukturstrikk på for- og bakstykket, for eksempel. Eller ein kan strikke tynne halsar eller tjukke halsar ved val av garntjukkelse.

Dei to halsane eg har strikka no er ganske ulike.
Den grå er strikka med dobbelt tråd koksgrått alpakkagarn. Garnet er frå garnlageret mitt, og etiketten var vekke, så eg veit ikkje kva produsent det kjem frå. Eg hadde lyst til å strikke ein ganske tjukk og varm hals til dei skikkeleg kalde vinterdagane, og derfor gjekk eg for dobbelt garn.


Den rosa halsen er også strikka med garn frå garnlageret,
og også her var etiketten vekke. Det er eit ganske tynt alpakkagarn, noko som gjer halsen ganske tynn, og dermed godt eigna for dei middels kalde dagane. Her har eg strikka for- og bakstykket med dobbel perlestrikk. Skulle eg strikka desse halsane om igjen, hadde eg nok vald å strikke perlestrikk på den grå halsen, og vanleg glattstrikk på den rosa, sidan strukturstrikk gjer seg betre med tjukkare garn.

Her er nokre av halsane eg har strikka før!

The winter is coming, and I have knitted two more wool cowls for Iben. I have knitted several of these before, and I love the simplicity in the pattern, and that it is easy to get them to look very different from each other, using differnt yarns and colours. 

søndag 30. mars 2014

TOGSTRIKKING / TRAIN KNITTING

Strikketøy, take away kaffi, lydbok på telefonen og tog-utsikt til vårlege jorder og spegelblank Mjøsa. Ein herleg måte å tilbringe søndagsformiddagen på. Og når eg reiser med tog utan barn, sit eg konsekvent i stille-vogna. Her skal ingen forstyrre! (Og den noko odde bakgrunnen bak smetteskjerfet er altså eit togsete).










I dag har eg vore ein dagstur tur/retur Lillehammer for å kikke på den vesle guten som fekk eit strikka vintersett av meg for ei stund sidan. Og på togturen oppover gjorde eg ferdig ei lita ull-gåve.

For sjølv om han allereie har fått ein strikkepakke i posten, synst eg det er kjekt å ha med noko lite å overrekke personleg, også. Derfor strikka eg eit smetteskjerf og eit par tøflar i restar av det same garnet som eg har brukt på dei andre kleda han har fått.

Og smetteskjerfet blei altså ikkje ferdig før rundt Eidsvoll.
Mønsteret er frå Nøstebarnboka, og skjerfet kan brukast frå nyfødd til omtrent to år. Lang levetid, med andre ord. Og veldig enkelt og greit å strikke.

Tøftlane har eg allereie strikka ein gong før.
Det var til Iben då ho var mindre, og naturleg nok er dei ikkje passe lenger. No ligg dei pakka ned i ein fin-strikk-kasse på loftet. Mønsteret er frå boka Babystrikk av Debbie Bliss, og dei skal passe sånn ca for babyar mellom tre og seks månader.

Garnet til både smetteskjerfet og tøflane er Alpakka silke fra Sandnes garn. Eit perfekt babystrikk-garn!

I have spent my sunday travelling from Oslo to Lillehammer to visit the little baby boy who recieved this winter baby-gift a few weeks ago. And travelling by train has a clear advantage: I could finish the scarf that I was going to give as a present, which I still had not finished when I left Oslo. The little baby also got a pair of new booties. Both the scarf and the booties are knitted in Alpakka Silke from Sandnes Garn, which is the same yarn I used for the garmets I gave him earlier. And I repeat: silk and alpaca is a perfect match for newborn babies!

søndag 23. mars 2014

Å MINKE GARNLAGERET VED Å STRIKKE FOR VARME PLAGG / REDUCING THE YARN STASH BY KNITTING TOO WARM GARMENTS

Mitt andre restegarnprosjekt i pastellfargar er ferdig, og resultatet er ein vårleg balaklava og eit matchande sett med barnevottar. 

Begge er strikka etter mønster frå Nøstebarnboka. 
Vottane har eg blogga om før, ettersom eg etterkvart har strikka utallige utgåver av dei i ulike fargar og garnkvalitetar. Og balaklavaen har eg også blogga om før (sjå her og her!), sidan eg har strikka den to gongar tidlegare - då med fór inni for å passe til vinterbruk på kalde dagar.

Til saman gjekk det med litt i underkant av 150 g garn av Royal Alpakka frå Dalegarn for å fullføre både balaklavaen og vottane. Så no har garnlageret minka med tre nøster i pastellfargar. Ikkje at eg begynner å gå tom av den grunn...

Meininga var å strikke ein litt tynnare og lettare balaklava til Iben.
Men det lukkast eg nok ikkje heilt med, ettersom Royal Alpakka-garnet er ganske tjukt - og ettersom reint alpakkagarn er varmt. Vi har testa utandørsbruk i helga med Oslovår-temperatur på mellom fem og åtte pluss, og Iben har gitt beskjed om at ho er varm og gjerne vil ta av seg hodeplagget. Så det spørst om eg må strikke ein balaklava til for vårbruk - muligens i silkeull?

Og for spesielt interesserte: Det første pastellprosjektet var denne lyseblå shortsen i silkeull. 

The second pastel-project is finished. I am trying to reduce the size of my yarn stash, and have startet to knit little garments in pastel colours that feels like spring. (The first finished garment was a pair of light blue baby shorts in silk wool). This time I have used 150 g Royal Alpakka from Dalegarn to knit a balaclava and a pair of mittens for my toddler Iben. The balaclava was supposed to be used on cold spring days like the ones we have in Oslo these days, but I turns out that it is too warm. So it seems I have to knit another one. Maybe in silk wool?

torsdag 20. mars 2014

PÅ PINNANE: FLEIRE PASTELLAR / ONGOING KNITTING: MORE PASTELS

Eg prøver som sagt å gjere eit innhogg i pastell-fargane i strikkekorga, og har no satt i gang med å strikke ein vårleg balaklava i lyse, feminine fargar.

Eg bruker tre ulike fargar Royal Alpakka frå Dalegarn, som alle er henta frå garnlageret mitt. Fargane er "fersken", "lys gul" og "taube", og eg synst dei harmonerer veldig fint saman. Mønsteret er finlandshette-oppskrifta frå Nøstebarnboka, som eg også har strikka to gongar tidlegare: sjå her og her!

In my attempt to reduse the number of yarnballs in my yarn stash, I have started to knit yet another balaclava for Iben in lovely pastels. I have knitted the same balaclava twice before, and you can see it here and here! The yarn I am using is Royal Alpakka from Dalegarn. 

lørdag 1. mars 2014

KJAPP VOTTESTRIKK / PRACTICAL BABY MITTENS

Det er ikkje første gong eg har blogga om desse vottane. Men eg har lyst til å vise fram eit lite utval i ulike fargar.

Votte-mønsteret frå Nøstebarnboka, og eg har strikka mange av desse etterkvart, (sjå t.d. her og her!) både fordi dei er kjappe å strikke, og fordi dei er veldig praktiske og enkle å få på små barnehender.

At vottane er strikka med dobbelt tråd, gjer dei tette og varme.
Og eg har prøvd å strikke dei i fleire ulike garn, noko som gir vottar som kan brukast til ulike temperaturar.

Dei rosa vottane på bildet er strikka med garnet Fager frå Pickles.
Fargen heiter "Frisk", og er skikkeleg fin! Eg er veldig, veldig glad i dette garnet, som er lett, mjukt og med fantastiske, melerte fargar. Det er satt saman av mohair og merino, og ulla er 100 % norsk. Det gjer også at garnet er DYRT (60 kr for eit hespe med 25 g), men til små prosjekt er det jo overkomeleg.

Vottane med lilla farge er strikka med Pickles Extra Fine Merino.
"Dyp aubergine" heiter fargen, som er ein veldig mørk lillafarge. Dette garnet liker eg forsåvidt godt, men det er  eigentleg litt for "glatt" for desse vottane, for dei blir ikkje så varme som f.eks vottane i Fager eller vottar strikka med alpakka. Vottane har heller ikkje blitt tova noko særleg, sjølv etter å ha blitt brukt mykje, så desse eignar seg nok best når det ikkje er som aller kaldast ute.

Og heilt nederst i vottebunken ligg vottar i alpakkagarn.
Nærmare bestemt Pickles Pure Alpaca i fargen "Frisk bringebær". Dette garnet er veldig godt eigna for vottestrikk, for vottane tover seg lett etter litt bruk, og blir tjukke, tette og varme. Fargen er derimot eigentleg litt voldsom, synst eg, men vottane var eit resultat av innkjøp frå år tilbake i garnlageret, og slike innkjøp er det jo greit å få brukt opp i småprosjekt som dette.

NB! 
Erfaringsmessig MÅ vottane utstyrast med ei snor som er festa i begge vottar, som kan trekkast inni dressen. Elles vil ein eller begge vottar forsvinne før ein rekker å seie "skal vi gå ut og leike".

I have knitted many pairs of these mittens the last year (see here and here), both because they are fast to knit and because they are very easy and practical to get on my little toddlers hands. The mittens are knitted in different yarns, which means that they can be used for different temperatures. The purple ones are knitted in merino wool, and are the ones that cannot be used when it is very cold outside. This yarn do not seem to get felted, even though they have been used a lot. The pink mittens on the other hand, are both warm and good to use on cold winter days. 

mandag 17. februar 2014

VARM HALS / WARM COWL

Før Iben gjekk frå lue til balaklava, var slike halsar uungåelege. Og med eit så enkelt design, er dei kjekke å strikke i ulike fargar og garntypar.

Oppskrifta er frå Nøstebarnboka. Den kvite halsen er strikka i eit tynt alpakkagarn, og den gammalrosa er strikka i Pickles Extra Fine Merino i ein farge som ikkje er å få tak i lenger. Eg har også strikka ein variant i eit skikkeleg tjukt garn, som kan brukast på ekstra kalde dagar.

Before Iben started pulling off her hat and had to start using balaclavas, I knitted several of these simple cowls. The design is so easy and simple, which makes it fun to try knitting it in different yarn qualities and colours. The white one is knitted in a thin alpaca yarn, and the pink-ish one is knitted in Pickles Extra Fine Merino. The colour is unfortuantely no longer in sale. 

onsdag 12. februar 2014

TOVA VOTTAR VERSJON 2 / FELTED MITTENS VERSION 2

Jepp, her er (hittil) siste runde med tova vottar, denne gongen meir suksessfulle.

Forrige gong gjekk det nemleg heilt, heilt gale, med vottar som ikkje eingong blei passe til dokka til Iben. Så etter å ha ha strikka eit nytt vottepar etter tova vottar-oppskrifta i Nøstebarnboka, tok eg ikkje sjansen på ein ny maskintovingsfiasko.

Tovinga foregikk derfor på gamlemåten.
Varmt vatn, grønnsåpe og to ivrige hender. Og lydbok på øret. Det viste seg nemleg å vere svært nødvendig med underhaldning. Tovinga tok gode tre kvarter frå lause vottar til nokonlunde tette, små barnevottar. Eg fulgte råda frå nettsida Ingvild tipsa meg om, og lot damene frå Bergen Husflidslag vise seg.

Når vottane var tørre, viste dei seg imidlertid framleis å vere hakket for store for mottakaren. 
Spørsmålet er no om eg skal tørre meg på å hive dei inn i vaskemaskina for ein liten ekstraomgang, eller om eg skal legge dei til side fram til neste vinter, og satse på at dei passer betre då? Eg er framleis i tenkekroken.

Garnet er hittil siste Pickles Pure Wool-prosjekt, i same farge som babyshortsen som blei strikka for ei stund sidan. Sidan det er rein ull, passer det veldig godt til toving, og sjølve handtovingsresultatet er eg igrunn godt nøgd med. Hadde det berre ikkje vore for at vottane er for store...

The last round of felted mittens are finished, this time with more success. You might remember last time I tried... Since my machine felting experience have not been the best so far, I tried felting by hand with these mittens. I took about 45 minutes of pretty hard work, but it paid off. The mittens are tight and warm. The only problem now is that the mittens still are too big for my toddler. So the question is: Should I try and machine felt them to make them smaller? 

tirsdag 28. januar 2014

IKKJE HEILT SOM PLANLAGT / FAILED FELTING

Første resultat i kelim-farge-prosjektet er ferdig, og klar til å gå rett i søpla. 

Med det fine Fager-garnet frå Pickles strikka eg vottar etter mønster frå Nøstebarnboka. Vottane var store, laust strikka og klare for ei omgang i vaskemaskin, slik at dei skulle passe til ettåringen.

Dette var mitt først forsøk på maskintoving, og det ser ut til at eg i iveren tok litt hardt i. 60 grader i mi vaskemaskin var iallefall for mykje for desse stakkars vottane, som kom ut i størrelse nyfødd, med heilt samanfiltra tomlar. Eg prøvde etter alle kunstens reglar å strekke dei litt til, men utan hell.

Neste gong blir det hand-toving. Om nokon har gode tips og vink når det gjeld toving, tek eg imot med glede!

My first project with the kelim-colours are finished, and will probably go straight into the garbage bin. You see, I tried felting in my washing machine  for the first time, but I clearly did not succeed. The mittens, knitted for toddler Iben, came out in size newborn. I am now the proud owner of a pair of woollen balls with thumbs. 

Next time I will definitely do the felting by hand... Any tips and hints when it comes to felting?

onsdag 15. januar 2014

KLEDD I HEIMESTRIKK / FULLY DRESSED IN MOMS KNITTING

Balaklava, ribbestrikka bukse og rillestrikka vottar, strikka etter mønster frå Nøstebarnboka. Rillestrikka jakke etter mønster frå Babystrik på pinde 3.
Eg innrømmer det gjerne: Det er kjekt å sjå ettåringen kledd i mors strikkeplagg frå topp til tå. 

Oh yes, I admit it: It is very nice to see my toddler fully dressed in moms knitted garments.

FOR LITEN BALAKLAVA + FAVORITTVOTTAR / A TOO SMALL BALACLAVA + FAVOURITE MITTENS

Som eg har skrive før, er balaklava eit lurt plagg til småbarn som har knekt koden for å dra av seg lua. Og balaklavaen frå Nøstebarnboka har eg strikka to gongar. 

Slik går det gjerne når ein ikkje sjekker om lua er passeleg til mottakaren før både sjølve balaklavaen og fòret inni er ferdig strikka og montert. Det var tilfellet med denne rosa og gule saken. Då eg stolt stod der med ferdig resultat, og skulle dra den over hodet til ettåringen, satt den ubehageleg tett på. Resultatet blei at eg umiddelbart satte i gang med å strikke ny i større størrelse, medan denne knapt har blitt brukt. Den har istaden havna rett i arve-korga med klede som går rett til Ibens litt yngre vener.
Det som derimot har blitt mykje brukt, er dei gule vottane. Også dei er strikka etter mønster frå Nøstebarn-boka.

Og for nokre vottar! 

Tidlegare i haust, då vi for første gong skulle kle på ettåringen vottar med tommel, oppdaga vi at det var eit timelangt prosjekt å få dei på, samtidig som tommelen skulle på plass. Med desse vottane er det ikkje noko problem. Dessutan er dei veldig raske å strikke. Eg overdriver ikkje når eg påstår at det nesten er mogleg å strikke eit par i løpet av ein kveld.

Ein annan ting vi har oppdaga etter barnehagestart, er at vottar er forbruksvare. 

Ei snor som kan tres rundt nakken inni dressen er obligatorisk om dei ikkje skal forsvinne. Likevel har fleire par av desse vottane på mystisk vis gått hen til evige vottemarker. Iben har nemleg fått slike vottar både i gult, lilla, grått, rosa og korall. Og fleire blir det tydelegvis, om mor skal følge opp takten i votteforsvinninga.

Både vottane og balaklavaen er strikka med merinogarn frå Pickles, og balakalvaen er fóra med kvitt silkeullgarn.

As I have mentioned before, balaclava is a more practical choice than a hat when it comes to winterdressing for toddlers. This balaclava has hardly ever been used, as I realized that it was too small after I finished knitting. It has been put right into the hand me down-basket. The mittens, on the other hand, has come to be the most practical mittens I have ever come across. While we struggle to get the thumb in the right place in mittens I have bought, that is not a problem with these. And with double thread merino wool, they are very fast to knit. Iben already has pairs in several colours. And given how often she has managed to loose them so far, I will problably have to knit several more. 

fredag 10. januar 2014

BARNEHAGE-STRIKK / KNITTING FOR KINDERGARTEN

Ribbestrikka genser, ribbestrikka bukse og rillestrikka vottar etter mønster frå boka Strikk til nøstebarn av Kathrine Gregersen. Bukse og genser er strikka i merino extra fine frå Drops, vottane er strikka i alpakka.  




Som eg har vore inne på før, er praktisk å foretrekke framfor pent når det kjem til kvardagsklede for barnehagebarn. Og ein favoritt innan praktisk kvardagstrikk er grå ribbestrikk. Fordi:
  • Ribbestrikka plagg omfavnar små kroppar, og gjer at plagga ikkje tek stor plass inni vinterdressar eller parkdressar. 
  • Ribbestrikk utvider seg også automatisk når plagga blir kledd på større barn. Derfor har ribbestrikk lang levetid, sidan ein kan vakse ganske lenge i dei.
  • Om ein strikker buksene litt lengre enn nødvendig i beina, og genserar med litt lengre armar, kan bein og armar brettast opp, og plagga leve i årevis. 
  • Og kvifor grått? Fordi få flekkar synst på grå ull. Og fordi grått er den ulitmate unisex-fargen. Brukt saman med rosa blir det veldig jentete. Brukt saman med f.eks. brunt eller beige blir det heilt kjønnsnøytralt. Og brukt saman med blått blir det plutseleg veldig guttete. Dermed kan plagga leve vidare som arvetøy til både jenter og gutar etter at førstemann har vakse ut av dei. 
A favourite in practical everyday wear for children in kindergarten is ribbed knitted grey garments like the ones in the photo. Ribbed knitting embraces little bodies, so that the garments don't take up too much space inside outerwear in the winter. Ribbed knitting also expands as you grow, and therefore lasts longer. And if you knit the legs and arms longer than needed right now, you can fold them up, and it will take years before the children grow out of them. And why grey? Because hardly any stains will show on grey wool. And because it is the ulitmate unisex colour. Worn with pink, grey seems girly. With blue, it is boyish. And with brown or beige, it is totally unisex.

onsdag 8. januar 2014

EIN PRAKTISK SAK / PRACTICAL WINTER DRESSING FOR TODDLER

Med barnehagebarn i huset oppdager ein fort at praktisk er viktigare enn fint, også når det kjem til strikkeplagg.

Ein av erfaringane eg har gjort meg, er at balaklava - eller finlandshette - er å fortrekke framfor luer. Spesielt når ein av Iben sine favorittaktivitetar er å prøve å ta av seg lua umiddelbart etter at den er tatt på.

Å finne eit fint balaklava-mønster var ikkje berre enkelt. Valet falt på finlandshetta frå Nøstebarn-boka, i ein litt meir avansert variant. I boka er oppskrifta strikka med rillestrikk, og då synst eg den blei litt for enkel. Men tidleg i boka er finlandshetta avbilda i ein annan variant med perlestrikk og flettemønster. Det er ikkje oppskrift på dette i boka, så eg improviserte litt.

For at den skulle bli ordentleg tjukk og god, er balaklavaen fora, dvs at eg i praksis har strikka to finlandshetter som eg har sydd saman, den eine inni den andre. Garnet utanpå er eit merinogarn frå Pickles, og inni er lua fora med mjukt, kvitt baby alpaca silk-garn frå Drops, slik at garnet inn mot huda er mjukt og godt. Eg synst kanten mot ansiktet var litt kort slik den er beskrive i boka, så eg la til nokre centimeter, slik at hetta isolerer godt rundt ansiktet.


Eg er veldig nøgd med resultatet. Ein mild vinterdag kan imidlertid denne dobbeltstrikka varianten vere i varmaste laget, så det spørs om eg bør strikke ein versjon til utan foring, som kan brukast når vinteren er slik den er no.

Strikkemønster-tips til andre fine finlandshetter/balaklavaer i småbarns-størrelse takast imot med takk!

Function or form? One of my toddlers favourite activities is to pull off her hat when she is outside in the cold wind. Although I would like to dress her in nice little knitted hats, I have come to realize that a balaclava is a better option. This one is knitted from a pattern from the Norwegian book Strikk til Nøstebarn, with a few alterations by me. The original pattern is in garter stitch, but I have knitted the balaclava in double seed stitch with a cable pattern on the top of the head. To make the balaclava suited for cold Norwegian winters, I have knitted two versions, which are sewn together. The 'lining' is knitted in a baby silk alpaca yarn, and the outside layer is knitted in merino wool. I am quite happy with the result. Now all we need is a bit of cold weather. The garment is almost too warm these days, in a rainy winter Oslo.