TERMIN-NEDTELLING: BRYGGESTRIKK NÅR DET ER 12 DAGAR IGJEN / DUE DATE COUNTDOWN: KNITTING BY THE SEA AND IT'S 12 DAYS LEFT

Plutseleg har sommaren kome, no som alle har begynt på jobb og i barnehage igjen. Ikkje at det gjer meg noko... for i dag kjentes det som eg hadde heile Oslofjordens austside for meg sjølv i sola.

Og når lunsjen inntas på bryggekanten til bølgeskvulp og lukta av solkrem, er strikketøyet med. I alle fall i starten. Etterkvart blei det rett og slett for varmt til å strikke.

Og kva er på strikkepinnane no?
Jo det er mitt første prosjekt frå Barnestrikk fra Paelas: Arvedrakta. Strikka i perlestrikk med dobbel tråd Babysilk frå Du store alpakka, og i same petrolblå farge som denne lua.

After a long and pretty cold summer, the heat has suddenly set in, now that everybody is returning to work. But as I have started my leave, it suits me fine, because today it felt like I had the entire seaside by the Oslofjord to myself as I had my lunch by the beach. My knitting came along with me, and I have started a new romper in Babysilk. Even though I am waiting impatiently for the baby, a day like today is a reminder that it is nice to not be working, baby or no baby. 

STRIKKING PÅGÅR / KNITTING AWAY

Sjølv om det ikkje har vore så stor aktivitet på bloggen, så blir det altså strikka i heimen om dagen.

Problemet er at strikketida akkurat no er forbeholdt to prosjekt: 
Eit bølge-teppe og ei flettejakke. Begge til babyen. Og begge tek tid. Mykje tid.

Og det slår ikkje feil: Kvar gong eg strikker på noko tidkrevande, får eg lyst til å strikke noko anna. 
Eg fantaserer om å starte på små babyluer og sokkar, korte prosjekt som er ferdige på eit par kveldar. Men hittil har eg vore flink og holdt meg til dei to tinga eg er i gang med, noko som forsåvidt har vore fruktbart: Teppet er ferdig om ikkje så veldig lenge (håper eg), og jakka (den grå saken på bildet øverst til høgre under) har fått ferdig eitt framstykke, og eg har satt i gang strikking av ryggen.

For ikkje å friste meg sjølv for mykje til å begynne å strikke noko nytt, har eg holdt meg unna garnbutikkar. Heilt til i dag.

Etter å ha brukt ettermiddagen hos frisøren (inkludert nakkemassasje. Takk snille Ida på Dugg i Birkelunden som veit kva høggravide har behov for!), klarte eg ikkje unngå å gå innom Grünerløkka Garn og Pickles. Med meg i posane heim fekk eg mykje m j u k t  silkegarn til babystrikk + bambusgarnet til Pickles. Det siste har eg tenkt å strikke bl.a. ei bittelita kyse i nyfødd-størrelse av, sidan rein ull kanskje blir varmt i slutten av august. Resten har eg meir ulne planar for enda, men det kjem!

Even though not much has been happening on the blog lately, I am knitting away. The only «problem» is that I have managed to stick to only two projects: A wavy blanket and a cable knit cardigan. Both for the baby. And both are taking quite a long time to finish. I always feel the urge to knit something small when I am knitting these time consuming projects, but this time I have been good, and not even visited tempting yarn shops. Until today. A visit to my hairdresser tempted me to also visit the nice yarn shop next door, and then another one down the road. Now I have a new stack of yarn shouting: «Knit me!» But I will try not to. At least today. 

PÅ PINNANE: RILLESTRIKK FRÅ SKUFFEDJUPET / ONGOING KNITTING: ABOUT TO FINISH

Nesten fullført strikketøy blir lagt i ei skuff. Det manglar berre eitt nøste for å bli ferdig. Men strikketøyet blir liggande i skuffa. Er det fleire som kjenner til situasjonen?

Det er iallefall tilfellet med denne strikkejakka, som blei påbegynt på flyet til New York i påska. Jakka er strikka med Duo frå Sandnes garn, og eg tenkte den skulle bli ei fin sommarjakke til Iben. Og sidan eg kan mønsteret inn og ut etter å ha strikka det utallige gongar, kunne eg nesten strikke i blinde medan eg kikka på in flight-filmen og drakk vin medan vi suste over Grønland.

Men så gjekk eg tom for garn, då det var berre ein arm igjen å strikke.
Dermed blei jakka lagt til side i påvente av garninnkjøp. Og så begynte eg å strikke på nye prosjekt, og fullføring av jakka verka ikkje like presserande lenger. Og sidan eg ikkje hadde kjøpt det siste nøstet, heller, kunne eg ikkje akkurat plukke opp jakka og fullføre den i ledige stunder.

Men i dag har eg endeleg kome meg i garnbutikk igjen, og siste nøste er kjøpt inn.
Og etter eit par timar på ettermiddagen ser det jammen ut som jakka blir ferdig snart, også. Det skulle med andre ord ikkje så mykje innsats til for å fullføre det langvarige prosjektet.

Mønsteret er for ordens skuld den velkjente rillestrikka jakka frå Babystrik på pinde 3.
Og snart skal eg vise fram Ibens ferdige sommarjakke!

I started knitting this cardigan on the plane to New York during my easter holiday. Awaiting the purchase of the final skein I needed to finish the cardigan, it was put in a drawer. And it stayed there. Anyone familiar with the situation? Today I finally went to the yarn store to buy the last skein, and it looks like I will finish the cardigan tonight. Iben will finally get her summer cardgian, halfway into the summer.

PÅ PINNANE: STRAND OG STRIKK / ONGOING KNITTING: BEACH KNIT

Sol, saltvatn og sommartemperaturar over 30 grader er ingen grunn til å ikkje strikke.

Joda, i varmen er det ikkje alltid like fristande å ta fram ullstrikken. Men denne veka har eg testa å strikke med garn i ull og bomullsblandingar på sørlege breiddegrader, og det fungerer flott. I motsetning til rein ullstrikk kjennast garnet svalt å stirkke med i varmen. Bakdelen med strandstrikk er at strikketøyet lukter solkrem, og at det inneheld eindel sand. Det må med andre ord ein runde i vaskemaskina før det kan reknast som heilt ferdig.

(Og på pinnane? Ei lita babygåve, som visast fram snart...)

Er det nokon andre som har erfaringar med gode sommarstrikk-prosjekt i varmen?

Sunny, hot summer weather may not be the most tempting environment to knit in. But on this week's holiday on the Spanish island of Mallorca I have knitted a little baby gift in a yarn made from a mix of cotton and wool, and I can report that this really is the ideal yarn for summer knitting. Compared to hot wool knitting, this knit feels cool, even though I knit on the beach with temperatures over 30 degrees celsius. The finished garment will appear on the blog soon. But first it needs a wash. Now it is full of beach sand and smells like sunscreen. 

DANSEKJOLEN BLIR TIL / THE DANCING DRESS IS COMING ALONG

Som eg skreiv her, hadde Ministrikk-dansekjolen ein trang fødsel. Men no har eg knekt koden. Og kjolen ser ut til å bli kjempefin!

As I wrote a few days ago, the dancing dress from Ministrikk was not my favourite knit to begin with. But now I have finally figured out the right way to knit it, and it looks like it will become a very nice knit!

DANSEKJOLENS TRANGE FØDSEL / TRYING TO KNIT THE DANCING DRESS

Då eg såg den fantastiske dansekjolen på Ministrikk første gong, tenkte eg: «Den skal eg strikke!». Og det har eg også prøvd å gjere.

Mønsteret blei kjøpt, og eg bestemte meg for den fine lyseblå fargen til i Lille Lerke-garnet. Og så satte eg i gong med strikkinga.

Om ikkje anna, er jo fargen fin...
At least the colour is good...

To gongar.
Og to gongar har eg rekka den påbegynte kjolen opp igjen, fordi eg har lese mønsteret feil. No kvinner eg meg opp til å sette i gong på tredje forsøk. Hadde ikkje kjolen vore så fin, hadde eg gitt opp for lengst.

Eg veit ikkje om mønsteret er dårleg forklart?
Eller om eg berre er for kjapp i vendinga, og ikkje set meg skikkeleg inn i det før eg set i gong? Men kvar gong har plasseringa av holmønsteret når eg aukar, kome feil ut i forhold til forklaringa, slik at holraden til slutt havner utpå armane når eg skal i gong med å dele av armane frå resten av kjolen. Før tredje forsøk skal eg iallefall lese mønsteret n ø y e. Og stemmer det ikkje no, gir eg opp.

Er det nokon andre som har opplevd det same?

I instantly fell in love when I first saw Charlott Pettersens pattern for this girly dancing dress. I imediately bought the pattern, and a gorgeous light blue colour in the yarn Lille Lerke, which is a mix of cotton and merino wool. I started knitting, but realized I had misread the pattern. I started knitting all over again. And it turnes out I have misread it again! I don't know if it is me who is too hasty, or if the pattern is poorly explained. But if it does not turn out right the third time around, I give up...

STAFETTSTRIKKINGA ER SNART KLAR TIL Å VISAST FRAM / RELAY KNITTING: ABOUT TO HIT THE FINISH LINE

Eg er i gang med siste finpuss på strikkinga i Pickles inspirasjonsstafett, og skriver ned oppskrift som skal delast her på bloggen.

Utgangspunktet er altså favoritt-tunikaen frå Pickles, som eg har gjort nokre endringar på. Mellom anna har tunikaen fått ein rysjekrage!

I am currently writing the pattern for my take on Pickles favourite tunic, which is the garment I have knitted in Pickles inspirational relay. 

PÅ PINNANE: FLEIRE PASTELLAR / ONGOING KNITTING: MORE PASTELS

Eg prøver som sagt å gjere eit innhogg i pastell-fargane i strikkekorga, og har no satt i gang med å strikke ein vårleg balaklava i lyse, feminine fargar.

Eg bruker tre ulike fargar Royal Alpakka frå Dalegarn, som alle er henta frå garnlageret mitt. Fargane er "fersken", "lys gul" og "taube", og eg synst dei harmonerer veldig fint saman. Mønsteret er finlandshette-oppskrifta frå Nøstebarnboka, som eg også har strikka to gongar tidlegare: sjå her og her!

In my attempt to reduse the number of yarnballs in my yarn stash, I have started to knit yet another balaclava for Iben in lovely pastels. I have knitted the same balaclava twice before, and you can see it here and here! The yarn I am using is Royal Alpakka from Dalegarn. 

PÅ PINNANE: PASTELLSTRIKK / ONGOING KNITTING: PASTELS PROJECT

Eg synst det er veldig mange fine pastellfargar i butikkane no som våren (snart!) kjem. Det har inspirert meg til eit lite pastellstrikkeprosjekt. Og første plagg ut? Nok ein babyshorts!

Dette blir den fjerde shortsen eg set i gong med etter oppskrift frå Den store guttestrikkeboka. Riktignok er eg fortsatt ikkje ferdig med solskinnsshortsen (som berre skulle vere eit restegarnprosjekt. Men så gjekk eg sjølvsagt tom for garn før eg blei ferdig, og eg må derfor kjøpe meir garn for å fullføre. Ganske typisk), men eg fekk likevel lyst til å sette i gang med ein ny shorts.

Garnet er Alpakka Silke frå Sandnes Garn.
Det er ein rest frå garnlageret etter at eg strikka denne omslagsjakka i barselgåve. Planen for heile pastell-prosjektet er å prøve å få brukt opp fine, pastellfarga garn som har samla seg opp her heime, og prøve å unngå å kjøpe nytt garn. Eg ser for meg at det også kjem til å kome ein pastellfarga gensar og kanskje nokre sokkar og ei lue i prosjektet.

Inspired by the many beautyful pastel colours that suddenly pop up in clothing stores now that spring is coming, I have started to knit in pastels. The first project is yet another pair of baby shorts, knitted in Alpakka Silke yarn from Sandnes Garn, which is a remain from knitting this babyjacket for a winter baby recently. I plan on knitting more garments in pastel colours as spring approaches. Maybe a sweather, some socks and a little hat? And most important: I plan on not buying any new yarn, but will try to knit everything from yarn found in my yarn stash. There should be plenty to pick from...

PÅ PINNANE: SOLSKINNS-SHORTS / ONGOING KNITTING: SUNSHINE SHORTS

Kvart år når våren nærmar seg, får eg eit voldsomt behov for å omgje meg med fargar. Og no synst eg verkeleg det er på høg tid med vår!

Derfor er eg no i gang med årets første bomullsstrikkeprosjekt, som skal bli (nok ein) babyshorts etter mønster frå Den store guttestrikkeboka. Garnet er Drops Muskat i fargen 'lys orange', som er ein rest frå garnlageret mitt. Det er ein skikkelig knæsj farge, som verkeleg gir assosiasjonar til sol og varme.

Bomullsgarn er ikkje mitt favoritt-materiale å strikke med.
Men når det kjem til strikk for sommaren, er det ikkje til å kome utanom at det jo er praktisk å ha ein del bomull til barnebruk. Eg har også planar om å kjøpe nokre garn i bomull/ull-blandingar og strikke med mot sommaren. Men før eg går til eit slikt innkjøp, bør eg nok bruke opp litt meir av lagergarnet mitt først.

Every year when winter finally seems to come to an end, I want to knit in vibrant colours. And my ongoing knitting project is definitely knitted from a vibrant coloured yarn! I am knitting (yet another) pair of baby shorts, but this time I am knitting in a cotton yarn - Drops Muskat. I like wool knitting much better than knitting with cotton, but when it comes to summer knitting, it is practical to have quite a lot of cotton garments for the little one. 

PÅ PINNANE: BARSELGÅVER / ONGOING KNITTING: BABY GIFTS

Det er babyboom i vennegjengen min. Plutseleg er det veldig mange som har bytta ut fest, høghælte sko og impulsturar til London med gravidbukser frå H&M og fornuftig fottøy, medan magane veks. 

Ein kunne kanskje seie at det er på tide, for det har ikkje akkurat vore overflod av småbarn i nærmaste vennekrets til no. Men hyggeleg er det uansett. Og på strikkfronten merkast det tydeleg, ettersom produksjonen blir konsentrert om å strikke veldig, veldig små plagg. Noko som er veldig, veldig hyggeleg.

Dei ferdige plagga blir vist fram etterkvart som babyane kjem til verda og gåver er overrekt.

Suddenly there is a babyboom going on, and many of my girlfriends have growing bellies, which is very, very nice. The babyboom of course effects my knitting, and I am currently knitting many cute little outfits for the new babies. I will show them on blog after the babies are born and the gifts have been given.  

PÅ PINNANE - LEGGVARMARAR / ONGOING KNITTING - LEGWARMERS!

Eg er i gang med neste strikkeprosjekt, og nok ein gong har eg gått til Den store guttestrikkeboka for mønster.

Ein skulle nesten tru eg var sponsa, både av forlaget, og av Pickles, som eg bruker mykje garn frå for tida. Men det er eg altså ikkje.

Eg endrer bittelitt på mønsteret, som vanleg, og har gått for dobbel perlestrikk som struktur på leggvarmarane. Garnet er enda ein av fargane frå kelim-farge-prosjektet, nemleg Pickles Pure Wool i fargen "rødkløver". Nok ein gong er eg heilt solgt når det gjeld fargen, og Pure Wool-garnet fortset å imponere med sin fantastiske fargeskala.

My ongoing knitting project is a pair of legwarmers for my toddler, knitted in this wonderful warm purple colour. The yarn is (once again) Pickles Pure Wool, and the colour is called "Rødkløver" (red clover). The legwarmers is part of my ongoing knitting project with colours inspired by my Turkish kelim carpet. 

PÅ PINNANE - MATROSGENSER / ONGOING KNITTING - SAILOR SWEATHER!

Nei, eg veit at det brune strikketøyet på bildet ikkje liknar det spor på den maritime gensaren i boka. 

Eg bruker kun oppskrifta i Den store guttestrikkeboka som eit utgangspunkt for gensaren eg er i gang med. Ideen må eg takke Silje Helen for, ettersom eg kom over hennar to versjonar av matrosgensaren: I turkis og med rysjekrage. For eg synst matrosgensaren i boka har eit kjempefint snitt, men at den blir litt vel guttete for eit lita jente.

Istaden går eg for ein lysebrun variant, strikka i tynn alpakka frå Pickles. Oppskrifta i boka foreslår pinne nr 3, men pga garnet bruker eg heller pinne nr 2,5. Og størrelsen eg strikker er 2 år. Istaden for oppbrettskant nederst på rygg/mage og på armar, går eg for 8 rundar med perlestrikk. Og eg har også tenkt å gjenta perlestrikk på kragen.

Eg kjenner at eg er kjempeentusiastisk over dette prosjektet, og gler meg til å sjå det ferdige resultatet!

I know, the brown knitting in the pictures does not look much like the sailor sweater in the book. But this blog inspired me to take on the sailor pattern in a different way (see here and here), to make it more suitable for a girl. I am knitting in alpaca wool (again...), and I almost cannot wait to see the finished result!

ENKELT OG VAKKERT / SIMPLE AND BEAUTYFUL

Er ikkje bileta fantastisk fine? Det er MamaOwl som sel desse vakre djevelluene i alpakka. 

Det enkle er verkeleg ofte det beste, også når det gjeld strikking. Få luer er så fine som den klassiske djevellua, som finst i utallige variantar på nettet og i strikkebøker. 

Eg er i gang med ei lita barselgåve til ein baby som blir fødd om ikkje så lenge, og eg kan røpe såpass at ei lita lue skal det iallefall bli.

In my opinion, very few bonnets are as beautyful as these simple baby bonnets. And these photos from MamaOwl are stunning. I am knitting small baby garments for a baby that will soon be born, and a warm, little baby bonnet will definitely be part of the gift. 

PÅ PINNANE - BABYSHORTS! / ONGOING KNITTING - BABY SHORTS!

Og då har eg føyd meg inn i rekka blant nesten alle andre strikkebloggarar, og kjøpt Den store guttestrikkeboka av Charlott Pettersen. 

Ikkje at eg har ein gutt. Men eg synst boka er full av fine oppskrifter som passer til både gutar og jenter. Første prosjekt ut er babyshorts, strikka i grått alpakkagarn. Det går unna som berre juling, så forhåpentlegvis får eg også starta på ein gensar frå boka om ikkje lenge.

A new knitting book has been bought. This time it is a book for boys' knitting. I do not have many boys to knit for, but I think many of the little garments will suit a girl just as well. My first project are grey baby shorts, knitted in alpacca wool. And hopefully I will soon have time to start knitting a sweater from the book as well.