HEIMELAGA MED LANG LEVETID / ALL DRESSED IN HAND MADE

Eg synst det er veldig fint med barneplagg som kan brukast over fleire sesongar, og til og med over fleire år. Og ekstra kjekt er det når plagga er handlaga og personlege.

På bildet er Iben sommarkledd i heimesydd kjole og heimestrikka cardigan, og ingen av dei er nye av året.

Kjolen sydde eg faktisk før ho var født, med planar om at den skulle gis vekk. 
Det skjedde aldri, noko eg er glad for no. For kjolen har vore i bruk både i fjor sommar og i år. Stoffet er eit gammalt sengetøy kjøpt på Fretex eller loppis.

Cardiganen har eg blogga om før (klikk her, om du vil lese).
Den blei faktisk strikka allereie sommaren for to år sidan, då Iben berre var eitt år, og har blitt brukt kvar sommar sidan. Mønsteret er den rillestrikka jakka frå heftet Babystrik på pinde 3 av Lene Holme Samsøe. Riktignok har armane krabba litt oppover sidan den gong, og rygglengda er litt kort, men for jentebruk, kombinert med kjole, er den framleis kjempefin. Eg synst faktisk at jakker og cardiganer som skal kombinerast med kjole er ekstra fine om dei har trekvartlange armar, så då er det ingen grunn til å kassere eit plagg etter første sommaren.

I love it when hand made children's garments can be used for several seasons, or even for years. This photo shows Iben dressed in a cardigan I knitted for her two years ago (you can read more here, if you like) and a dress I sewed for before she was even born. The plan was to give the dress to someone else, but now I am glad that never happend. 

TING TEK TID / HALF A YEAR TO FINISH A THIS SIMPLE CARDI

I juli skreiv eg at denne jakka straks kom til å vere ferdig, etter å ha blitt henta fram frå skuffedjupet. Det skulle berre ta tre og ein halv månad til. Men NO er jakka ferdig.

Det einaste som mangla, var å feste knappane og trådane, og å dampe den. Men det kan jo ta si tid. Og skal eg vere ærleg, var jakka heilt gløymd då eg oppdaga den i sybordet mitt i dag.

Joda, den skulle vere Ibens sommarjakke. 
Men den er ganske stor, så den er heilt sikkert passe neste år også.

Oppskrift: Rillestrikka jakke frå Babystrik på pinde 3.
Garn: Usikker. Men det er eit blandingsgarn med bomull og ull. Duo frå Sandnes garn, kanskje? Slik går det når det er eit halvt år frå strikkestart til strikkeslutt.

In July, I wrote that I finally was about to finish this cardigan, after finding it halfway finished in a drawer. Well, it only took about three and a half month more to fasten the buttons. But today, I am finally done. It was supposed to be Ibens summer cardigan, but it is quite big, so I guess it will fit next summer as well.

PLANLAGT STRIKK: HULLMØNSTER-TOPP / PLANNING TO KNIT A TODDLER TOP

Neste strikkeprosjekt blir rein bomullsstrikk. Inspirert av det fine Baby bomull-heftet frå Sandnes garn set eg i gong med ein sommarleg, holmønstra topp til toåringen.

Den lilla toppen til venstre kjem snart på pinnane i lyseblått garn. Og kanskje strikkast den blå romperen til høgre også etterkvart?
/
My next knitting project will be the purple top to the left, only in blue. And if I like the yarn, I might knit the blue romper you see to the right also...

I det siste har det blitt strikka mykje med garn i ull/bombulls-bladingar (Lerke, Lille Lerke og Duo), så no tek eg steget ut og strikker med reint bomullsgarn, nærmare bestemt Mandarin Petit. Eg har ikkje strikka med reint bomullsgarn sidan i fjor sommar, men trur aldri eg har prøvd dette garnet før, så eg gler meg til å kome i gong. Og om det gir meirsmak, prøver eg meg kanskje på den fine romperen i heftet, også

Bildene på bloggen er ikkje av topp-kvalitet akkurat no. 
Mann og barn har reist på ferie og tatt med seg speilreflekskameraet, så eg må klare meg på mobilfotografering inntil vidare.

Er det nokon som har erfaringar med Mandarin Petit-garnet?
Kom gjerne med tilbakemeldingar om kva du synst om det!

My next knitting project will be in cotton. I have bought some light blue yarn to knit a summer top for Iben, while the fairly short Norwegian summer still is at its best.

DANSEKJOLE SOM TUNIKA / DANCING DRESS TURNS TUNIC

Ein alvorleg strikkemodell ser på Emil i Lønneberget på barne-tv, og lever seg veldig inn i handlinga.
/
A very serious little photo model looks at vintage Swedish childrens television. It is clearly very interesting.  

Noko av det eg liker aller best når eg finn strikkeoppskrifter eg verkeleg liker, er å gjere ein eigen liten vri på den. Det har ført til at Ministrikk-dansekjolen har blitt ein fin-fin sommartunika.

Riktignok er det ikkje så veldig store endringar som er gjort. Hovud-endringa er lengda på plagget. Istaden for å strikke den kjole-lang, har eg gjort den kortare. Og for at den ikkje skulle bli for vid, auka eg berre kvar tiande omgang, istaden for kvar åttande, som oppskrifta foreslår. Dessutan er dei originale trekvartlange armane bytta ut med korte armar, og eg har gått for riller på volangen og nederst på tunikaen.

Garnet er også endra, sjølv om det var mindre tilsikta.
Tidlegare i sommar, då eg kjøpte inn det lyseblå Lille Lerke-garnet eg strikka dansekjolen i, kom eg også over tilbudsgarn i denne lyse ferskenfargen. Eg kjøpte ein liten haug, og tenkte at eg alltids skulle klare å bruke opp nokre nøster med Lille Lerke-garn i ein slik fin farge. Først etter å ha strikka eit godt stykke på tunikaen, og reagert på at den verka litt vid, oppdaga eg at det var Lerke-garnet eg hadde gått til tilbuds-innkjøp av. Det er tjukkare enn namnesøster Lille Lerke, og dermed var ikkje oppskrifta heilt i riktige proporsjonar lenger.

At eg også strikka den i størrelse 3-4 år, gjorde den ikkje akkurat mindre.
Men ein tunika kan godt vere litt vid, og resultatet blei veldig kledeleg til to-åringen. Tunikaen er luftig og fin, og vil passe i fleire år framover.

Som tilbehør har eg strikka ein sommarvariant av babyshortsen frå Den store guttestrikkeboka.
Dei som har fulgt bloggen ei stund, veit at denne alt er ein favoritt, som det har blitt strikka mange variantar av. Det viste seg imidlertid at Lerke-garnet blei for tjukt, så shortsen blei for stor. Men neste sommar passer den sikkert kjempefint.

Dansekjolen har blitt sommarens store strikke-favoritt for meg.
Frå å klø meg i hovudet over ei litt klønete forklart oppskrift i starten, har eg verkeleg fått dreisen på den, og synst no den er lett som ein leik å strikke. Før eg legger oppskrifta heilt vekk, har eg lyst til å strikke ein ull-variant av kjolen til haust-og vinterbruk, med lange armar.

When I stumble upon knitting patterns I really like, I love to make my own little twists on the pattern. In the pictures you see my tunic take on the dancing dress from Ministrikk. Instead of knitting it as a long dress, I have made it in a shorter tunic length. And instead of the three quarter length arms, I have knitted shorter arms, suitable for a summer tunic. Now I want to knit a winter version of the dancing dress as well, in wool, and with long arms. This has really turned out to be my favourite knit for the summer.

PÅ PINNANE: STRAND OG STRIKK / ONGOING KNITTING: BEACH KNIT

Sol, saltvatn og sommartemperaturar over 30 grader er ingen grunn til å ikkje strikke.

Joda, i varmen er det ikkje alltid like fristande å ta fram ullstrikken. Men denne veka har eg testa å strikke med garn i ull og bomullsblandingar på sørlege breiddegrader, og det fungerer flott. I motsetning til rein ullstrikk kjennast garnet svalt å stirkke med i varmen. Bakdelen med strandstrikk er at strikketøyet lukter solkrem, og at det inneheld eindel sand. Det må med andre ord ein runde i vaskemaskina før det kan reknast som heilt ferdig.

(Og på pinnane? Ei lita babygåve, som visast fram snart...)

Er det nokon andre som har erfaringar med gode sommarstrikk-prosjekt i varmen?

Sunny, hot summer weather may not be the most tempting environment to knit in. But on this week's holiday on the Spanish island of Mallorca I have knitted a little baby gift in a yarn made from a mix of cotton and wool, and I can report that this really is the ideal yarn for summer knitting. Compared to hot wool knitting, this knit feels cool, even though I knit on the beach with temperatures over 30 degrees celsius. The finished garment will appear on the blog soon. But first it needs a wash. Now it is full of beach sand and smells like sunscreen. 

DANSEKJOLENS TRANGE FØDSEL / TRYING TO KNIT THE DANCING DRESS

Då eg såg den fantastiske dansekjolen på Ministrikk første gong, tenkte eg: «Den skal eg strikke!». Og det har eg også prøvd å gjere.

Mønsteret blei kjøpt, og eg bestemte meg for den fine lyseblå fargen til i Lille Lerke-garnet. Og så satte eg i gong med strikkinga.

Om ikkje anna, er jo fargen fin...
At least the colour is good...

To gongar.
Og to gongar har eg rekka den påbegynte kjolen opp igjen, fordi eg har lese mønsteret feil. No kvinner eg meg opp til å sette i gong på tredje forsøk. Hadde ikkje kjolen vore så fin, hadde eg gitt opp for lengst.

Eg veit ikkje om mønsteret er dårleg forklart?
Eller om eg berre er for kjapp i vendinga, og ikkje set meg skikkeleg inn i det før eg set i gong? Men kvar gong har plasseringa av holmønsteret når eg aukar, kome feil ut i forhold til forklaringa, slik at holraden til slutt havner utpå armane når eg skal i gong med å dele av armane frå resten av kjolen. Før tredje forsøk skal eg iallefall lese mønsteret n ø y e. Og stemmer det ikkje no, gir eg opp.

Er det nokon andre som har opplevd det same?

I instantly fell in love when I first saw Charlott Pettersens pattern for this girly dancing dress. I imediately bought the pattern, and a gorgeous light blue colour in the yarn Lille Lerke, which is a mix of cotton and merino wool. I started knitting, but realized I had misread the pattern. I started knitting all over again. And it turnes out I have misread it again! I don't know if it is me who is too hasty, or if the pattern is poorly explained. But if it does not turn out right the third time around, I give up...

RILLESTRIKK I BOMULL / GARTER STITCH FOR SUMMER

Eg synst stadig at enkle, rillestrikka plagg er noko av det aller finaste ein kan strikke.

Joda, det er veldig enkelt. Men det vakre treng ikkje vere vanskeleg. Denne rillestrikka jakka blei til i fjor sommar, og fungerte som ei lett bomullsjakke for Iben, som var fin å ta utanpå tynne bodyar eller sommarkjolar. Jakka er strikka i bomullsgarnet Paris frå Drops, såvidt eg hugsar, men det ser ikkje ut som dei har akkurat denne fargen i sortimentet lenger. Og oppskrifta er (nok ein gong) den rillestrikka jakka frå Lene Holmes Samsøes hefte Babystrik på pinde 3. Denne har eg strikka mange av etterkvart...

I still think that garments in garter stitch are some of the most beautyful things you can knit. I know that it is very simple, but beautyful things do not have to be hard to knit. This cardigan I knitted for Iben last summer, and the yarn is cotton (Paris from Drops). I have knitted the very same cardigan over and over again, both for Iben and as little baby gifts, but I never get tired of the easy going attitude this garment has. And luckily, the cardigan still fits this summer. The pattern is made by the Danish designer Lene Holme Samsøe.