FERDIG FROSTKJOLE / NEW DRESS FOR IBEN

Frostkjolen blei faktisk ferdig før lillebror blei født. 

Sidan han lot vente på seg, fekk eg meir strikketid enn eg hadde rekna med før fødselen, og den tida blei brukt til å fullføre den utruleg fine kjolen frå Barnestrikk fra Paelas-boka. Og mottakaren verkar veldig nøgd med resultatet.

Kjolen er strikka i Babysilk frå Du store alpakka,
eit garn som er heilt fantastisk herlig å strikke med, og som gir utruleg mjuke plagg som er gode å ha på rett mot huda.



Eg gjekk tom for kvitt garn like før siste innspurt på halslinninga.
Løysinga blei å strikke halsen og ei i-cordsnor i grønnfargen frå skjørtet, og det synst eg i grunn at blei ganske bra.

Dette må bli haustens festkjole!
Trass i at det var litt langtekkeleg å strikke den, med det intrikate mønsteret på skjørtet,
var dette ein kjekk kjole å strikke. Og mønsteret er godt forklart i boka.

I did really finish Iben's dress before littlebrother's arrival! The pattern is from the Norwegian book Barnestrikk fra Paelas by the talented Paelas-girls, and I simply love it. Being knitted in babysilk, a mix of alpaca wool and silk, it is super soft and can be worn close to the skin without any itching.