FARGEINSPIRASJON FRÅ TYRKISK KELIM / TURKISH KELIM COLOUR INSPIRATION

Kan eit golvteppe avgjere kva fargar ein skal strikke i? Så klart!

For nokre år sidan kjøpte eg dette flotte, gamle kelimteppet på ei reise med jobben i Istanbul. Teppet ligg no i stua vår, og er eit flott fargeinnslag i ein elles nokså kvitmalt heim. Teppet er handvevd, og eg liker å sjå korleis den som vevde det har gått tom for fargar etter ei stund, og gått over frå den gammalrosa fargen til ein oransj/oker farge for å avslutte teppet. Det gjer resultatet unikt.

Eg liker også at teppet har eit tidlegare liv med ei eiga historie frå før eg kjøpte det, og at det har ligge i sola i år etter år, og fargane gradvis har blitt bleika. Snur ein teppet, er fargane på baksida - som ikkje har blitt solbleika - mykje sterkare.

Eg liker veldig godt fargane slik dei speler saman på dette teppet, og har lenge tenkt eg skulle strikke noko i akkurat desse fargane. Så dei må kanskje ha trudd eg var litt rar då eg troppa opp på Pickles i Markveien for ei stund sidan, og gjekk med eit teppe under armen og samanlikna fargar.

Med meg heim i posen frå strikkebutikken kom tre store nøster med Pickles pure wool, og fire nøster Pickles fager. Sistnemnde garn planla eg å bruke til tova vottar. Meir om det i morgon...

Eg synst det gule pure wool-garnet har ein heilt fantastisk farge, og det skal bli til ein vest til Iben, medan det rosa garnet skal bli nok ein babyshorts frå Den store guttestrikkeboka. Det lilla er eg ikkje heilt sikker på kva eg skal bruke til enno, men muligens blir det tilbehør. Følg med, følg med!

Of course a carpet can decide which colours my next knitting projects will be!
I bought this beautyful, old kelim carpet in Istanbul a few years ago, and it is now living with us as a spot of colours in our pretty white home. I love how the colours have faded in the sun over the years, and how you can see that whoever made it ran out of pink, and had to finish the carpet with a yellow/orange colour instead. This is what makes hand made carpets like these unique. 

For a while I have been playing with the idea to knit something in colours similar to the ones in the carpet, so they must have thought I was slightly strange when I went to buy yarn at Pickles and carried a huge carpet under my arm, with which I checked to see if I could find matching yarn in their shelves. 

I love the yellow Pure Wool-yarn, which I will knit a vest for Iben in. The pink Pure Wool-yarn will become another pair of babyshorts (like these), but I am still not sure what I will knit in the purple yarn. Maybe something small, like mittens?

The pink and orange yarn is Pickles Fager, which I planned to knit felted mittens in. More about that tommorrow...